ТИРАНА (АА) – Претседателот на Хрватска, Зоран Милановиќ, ја започна својата дводневна официјална посета на Албанија, а со свечена церемонија беше пречекан од претседателот Бајрам Бегај, јавува Анадолу.
Официјалната церемонија со воени почести се одржа во седиштето на Претседателството на Албанија, со учество на делегации од двете земји.
Хрватскиот претседател ќе се сретне и со премиерот на Албанија, Еди Рама, и со други официјални претставници, а ќе одржи и поздравен говор во албанскиот Парламент.
Во фокусот на средбите ќе бидат дискусиите за билатералните односи меѓу Хрватска и Албанија, европската перспектива на земјите од регионот и други прашања.
