ТИРАНА (АА) – Албанија на 1 септември 2023 година го започнува своето второ претседавање со Советот за безбедност на Обединетите нации (СБОН), јавува Анадолу.
Министерката за Европа и надворешни работи на Албанија, Олта Џачка, во изјава за медиумите во врска со ова прашање, истакна дека претседавањето со СБОН ѝ дава голема можност на Албанија, во тесна консултација со сојузниците и партнерите, да утврди каква ќе биде агендата на Советот за септември.
„Албанското претседавање со Советот за безбедност доаѓа во навистина тежок момент, кога светот се соочува со низа многу сериозни кризи и конфликти, од Украина до кризата со несигурност во храна како резултат на војната во Украина и политиките што ги спроведува Русија; од Јемен, Судан и Блискиот Исток во целина, до кризата и несигурноста што владеат денес во Сахел“, рече Џачка.
Според неа, постојат два важни моменти на ова претседавање, и тоа платформата за соработка за дистрибуција на хуманитарна помош насекаде во светот и „нелегалната руска агресија врз Украина“.
Зборувајќи за руско-украинската војна, Џачка рече: „Ова е едно од прашањата со кои сме работеле најмногу, заедно со САД. Ова е едно прашање кое навистина го одбележа нашиот мандат и ја натера Албанија да ја освои почитта и восхитот на партнерите и сојузниците за сериозноста, професионализмот и храброста со кои работеше за поддршка на меѓународното право, Повелбата на ОН, Украина и за осуда на Русија.“
Таа истакна дека во текот на септември ќе има многу активности и други значајни настани, бидејќи според неа, агендата на Советот за безбедност е навистина интензивна.
На 1 септември 2023 година, Албанија по втор пат го презема претседавањето со Советот за безбедност на ОН, што ќе го има во текот на месецот септември. Албанија за првпат е избрана за непостојана членка на Советот за безбедност на ОН за периодот 2022-2023 година. Албанија претходно претседаваше со СК-ОН во периодот од 1 јуни до 30 јуни 2022 година.
На 1 септември 2023 година, Албанија по втор пат го презема претседавањето со Советот за безбедност на ОН, што ќе го има во текот на септември. Албанија за првпат е избрана за непостојана членка на Советот за безбедност на ОН за периодот 2022-2023 година. Албанија претходно претседаваше со СБОН во периодот од 1 јуни до 30 јуни 2022 година.
