Германија за испраќањето тенкови во Украина: Сојузниците треба да ни дадат зелено светло

January 20, 2023
2 mins read

Германскиот министер за одбрана Борис Писториус, изјави дека не може да каже кога ќе биде донесена одлука за тенковите, но дека Германија е подготвена брзо да дејствува доколку има консензус меѓу сојузниците

Германија објави дека е неопходен договор на сојузниците за да се даде зелено светло за испорака на тенкови од германско производство во Украина за одбрана од руска инвазија, со што се уриваат надежите на Киев за брза одлука.

Министрите за одбрана од НАТО и од други земји се состанаа во Германија поради стравувањата дека Русија наскоро ќе ја обнови својата речиси 11-месечна инвазија за заземање делови од источна и јужна Украина, која вели дека ја анектираше, но не ја контролира целосно.

Соединетите Американски Држави и Финска најавија нови големи пакети за воена помош пред состанокот во воздухопловната база Рамштајн, каде фокусот ќе биде на тоа дали Германија ќе им дозволи на земјите во Европа да испратат тенкови Леопард 2 во Украина.

Германскиот министер за одбрана Борис Писториус, изјави дека не може да каже кога ќе биде донесена одлука за тенковите, но дека Германија е подготвена брзо да дејствува доколку има консензус меѓу сојузниците.

„Треба внимателно да се одмерат сите добри и лоши страни“,

рече Писториус, додавајќи дека за ова прашање се разговарало во петокот, но не била донесена одлука.

Се плашат да не ја испровоцираат Русија?

Писториус не кажа кои сојузници, доколку ги има, се против испораката на тенковите, ниту пак елаборираше за тоа што смета дека се добрите и лошите страни на таквата политика.

Изгледа дека владата на канцеларот Олаф Шолц не сака да одобри извоз на тенкови поради страв да не ја испровоцира Русија. Некои западни претставници, исто така, изразија загриженост дека Русија би можела да го зароби напредното западно оружје и да ја украде неговата технологија.

Кремљ предупреди дека тенковите нема да и помогнат на Украина и дека Западот ќе жали за својата „заблуда“ дека Киев може да победи на бојното поле. Говорејќи на почетокот на состанокот во Рамштајн, украинскиот претседател Володимир Зеленски им се заблагодари на сојузниците за нивната поддршка, но рече дека е потребно повеќе и побрзо.

„Мораме да забрзаме. Времето мора да стане наше оружје. Кремљ мора да загуби“,

рече Зеленски, кој претходно имплицираше дека Германија ги спречува другите земји да испраќаат тенкови.

Генералниот секретар на НАТО Јенс Столтенберг рече дека поддржувачите на Украина треба да се фокусираат не само на испраќање ново оружје, туку и на снабдување со муниција за постарите системи и помагање за нивно одржување.

Русија ги регрупира силите, регрутира и се обидува повторно да се опреми, изјави на состанокот американскиот секретар за одбрана Лојд Остин.

„Ова не е моментот да се забави. Време е да се копа подлабоко. Украинскиот народ не набљудува“,

рече тој, без конкретно да ги спомене тенковите.

Данска ќе донира 19 хаубици

Владин извор во Германија рече дека ќе го покрене прашањето за тенковите Леопард доколку САД се согласат да испратат тенкови Абрамс, кои не беа вклучени во американското соопштение за нова воена помош во четвртокот. Берлин рече дека двете прашања не се поврзани.

На состанокот, група од девет земји од НАТО, меѓу кои и Велика Британија и Полска, ѝ ветиле на Украина нова воена помош за поддршка на војната со Русија. Официјалните лица ветија проектили, системи за противвоздушна одбрана Стингер, противвоздушни пушки, митралези, обука и друга опрема и услуги.

Велика Британија, која претходно најави дека планира да испрати тенкови во Украина, ќе испрати и 600 ракети Бримстон, изјави министерот за одбрана Бен Валас.

Полска испрати противвоздушни пушки С-60 со 70 000 проектили и е подготвена да донира тенкови Леопард 2 од германско производство, „во очекување на поширока коалиција“ на донатори на Леопард, се вели во заедничката изјава од состанокот. Неколку часа по состанокот, данската влада објави дека ќе донира 19 хаубици на Украина.

Извор: 360stepeni.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Тројца охриѓани завршија во притвор поради нападот на секретарот на бугарскиот клуб

Следно

Јувентус го очекува жестока казна

Latest from Blog

Проданоски: Буџетот за 2027 година го креираме со предлозите на прилепчани

Општина Прилеп ги заврши средбите со сите урбани заедници во градот во рамките на консултациите за подготовка на Буџетот за 2027 година. Градоначалникот Дејан Проданоски најави дека процесот продолжува со средби со

Николоски: Од 1 јануари само Државната лотарија ќе може да организира онлајн игри на среќа

Владата го измени Законот за игри на среќа, со кој јасно се ограничува организирањето на игри на среќа. Само Државната Лотарија ќе може да организира игри на среќа, дополнително се воведе ограничување

Божиновска: По три децении зависност од еден гасен правец, Македонија работи на нови врски со соседите

Македонија три децении зависела од само еден правец за снабдување со природен гас, а новите поврзувања со соседите треба да ја намалат таа зависност, порача министерката за енергетика, рударство и минерални суровини,

Битола не ги заборава своите херои: Одбележана 82-годишнината од формирањето на Првата егејска македонска ударна бригада

Во Битола свечено беше одбележана 82-годишнината од формирањето на Првата егејска македонска ударна бригада, со положување свежо цвеќе, оддавање почит и пригодна културно-уметничка програма. Одбележувањето се одржа пред спомен-плочата кај Територијалната противпожарна

Божиновска: Гасните врски со Грција и Србија се приоритет за посигурно снабдување

Гасните интерконектори со Грција и Србија, Вертикалниот гасен коридор и повторното ставање во функција на продуктоводот Солун–Скопје се меѓу проектите со кои Македонија работи на посигурно снабдување со енергија. Ова го истакна
Go toTop