АНКАРА (АА) – Повеќе од 60 отсто од американската јавност смета дека обвинувањата против поранешниот американски претседател Доналд Трамп се политички мотивирани, јавува Анадолу.
Универзитетот „Квинипиак“, кој се наоѓа во американската сојузна држава Конектикат, спроведе истражување на 1.776 луѓе за да ја испита социјалната димензија на обвинувањата против Трамп.
Како дел од истражувањето, испитаниците биле прашани за обвинувањата против Трамп, а 62 отсто од испитаниците одговориле дека случајот против Трамп од страна на Министерството за правда е „политички мотивиран“, додека 51 отсто од испитаниците сакале поранешниот претседател да биде кривично гонет.
Шест од 10 испитаници сметаат дека е „несоодветно“ Трамп да чува тајни владини документи дома по напуштањето на Белата куќа.
Домот на Трамп во Флорида беше претресен утрото на 8 август 2022 година од агенти на ФБИ за да ги истражат „доверливите документи“. Опишувајќи ги рацијата и тековните истраги како „политички“, Трамп конкретно побара запленетите документи да бидат разгледани од „независен арбитер или специјален судија“.
Постапката против Трамп ја надгледува поранешниот јавен обвинител Џек Смит, кој е назначен за експерт со посебни овластувања.
Трамп на 11 јуни рече дека обвинувањата за криење доверливи државни документи се „апсурдни и неосновани“.
Извор: www.aa.com.tr
