Очевидци за Ројтерс изјавија дека слушнале неколку експлозии кои звучеле како системи за противвоздушна одбрана
Русија започна нов бран воздушни напади врз Киев во текот на ноќта, а властите во главниот град на Украина соопштија дека системите за противвоздушна одбрана собориле повеќе од 20 руски крстосувачки ракети, пренесе Ројтерс.
„Сите беа соборени, немаше удари“,
информира на Телеграм Серхиј Попко, шеф на воената администрација во Киев.
Ројтерс соопшти дека не може независно да го потврди извештајот.
Очевидци за Ројтерс изјавија дека слушнале неколку експлозии кои звучеле како системи за противвоздушна одбрана. Градот, инаку, беше под предупредување за воздушен напад повеќе од четири часа, почнувајќи нешто по полноќ во вторникот.
Отпадоците што паѓаа ги погодија површините на патиштата и ги оштетија далноводите за тролејбусот во киевскиот кварт Деснијански, соопшти армијата.
Според прелиминарните информации, нема жртви, соопштија официјални лица.
Извор: 360stepeni.mk
