Помина еден месец откако објавивме за хаосот кај владее кај зградата на поранешен „Технометал“, но сè уште никој не го расчистил ѓубрето кое се наоѓа во центарот на градот.
Граѓаните се револтирани поради тоа што никој не презема ништо и преку Твитер прашуваат кога ќе се расчисти ѓубрето.
– Планираат ли Герасимовски или Данела да преземат нешто за Буши да го исчисти Форум? Строг центар на главниот град на држава во Европа во 21 век изгледа вака, прашува еден твитерџија.
Скопје со години има проблеми со хигиената, а тоа го констатираа и граѓаните на нашата анкета, но и покрај тоа ништо не се менува, а главниот град и понатаму се „дави“ во ѓубре.
ИЗВОР: skopjeinfo.mk
