Репрезентацијата на Аргентина убедливо со 4:0 славеше над Боливија во пријателски меч одигран во Кордоба. Овој натпревар има посебно значење, затоа што е прв за Аргентина откако легендарниот Лионел Меси рече дека се повлекува од репрезентативниот дрес.
Повеќе од две децении Меси беше предводник на Гаучосите со кои освои една титула светски првак и два трофеи во Копа Америка. Уште два пати играше во финале на Светско првенство. Едноставно Меси ја држеше Аргентина во светскиот врв, а сега е време селекцијата да покаже дека може да биде одлична и без него.
Во првиот меч по пензионирањето на Меси, Аргентина покажа сила и со по два гола во двете полувремиња, стигна до убедлив триумф. Леотаро Мартинез погоди во 19 минута за водство од 1:0, а неколку минути подоцна Нико Паз ја зголеми предноста на фаворитот.
На почетокот на второто полувреме Ромеро даде гол за 3:0, а конечните 4:0 ги постави напаѓачот на Палмеираш, Хосе Лопес со погодок во 86 минута.
Аргентина сега треба да одигра контролен меч и против Буркина Фасо, а на 7 октомври треба да биде фештата кога Меси во пријателски дуел против репрезентацијата на Бенин и официјално ќе рече збогум на аргентинскиот дрес.
Извор: sportmanija.mk
