И дефинитивно Енцо Мареска е новиот тренер на Манчестер Сити! Италијанскиот стручњак ја презема функцијата од Пеп Гвардиола и ќе ги води „Граѓаните“ до јуни 2029 година. Оваа вест ја објави новинарот Фабрицио Романо, кој тврди дека Сити ќе излезе со официјално соопштение во наредните денови.
„Енцо Мареска веќе потпиша тригодишен договор како нов менаџер на Манчестер Сити. Договорот е важечки до јуни 2029 година и ново поглавје е на прагот да започне во Сити, со Мареска целосно вклучен во стратегијата за трансфери, 100% потврдено“Фабрицио Романо
🚨 Enzo Maresca has already signed a three year deal as Manchester City new manager.
Agreement until June 2029 and new chapter to start soon at #MCFC, with Maresca fully involved in the transfer strategy.
Here we go, 100% confirmed. 💙🆕 pic.twitter.com/e4RsMLTKcy
— Fabrizio Romano (@FabrizioRomano) May 26, 2026
Со Гвардиола на чело, Манчестер Сити заврши на второто место во Премиер лигата. „Граѓаните“ се бореа со Арсенал за титулата, но момците на Артета го освоија првенството по пауза од 22 години.
Мареска последен пат беше тренер на Челзи, клубот што го напушти на крајот од 2025 година. Таму имаше просек од 1,97 поени по натпревар, 55 победи, 16 нерешени и 21 пораз. Пред да се приклучи на Челзи, тој беше главен тренер на Лестер.
Од август 2020 до мај 2021 година, тој беше тренер на тимот до 23 години, а од јули 2022 до јуни 2023 година, беше помошник на Гвардиола. Заедно ја освоија тројната круна – шампионатот, ФА Купот и Лигата на шампионите во 2023 година, а Пеп еднаш го нарече „еден од најдобрите тренери во светот“.
Италијанецот го водеше Лестер во Премиер лигата во 2023/24, а откако го презеде кормилото од Челзи, ја освои Конференциската лига и Светското клупско првенство во својата прва сезона со „сините“ (2024/25).
Извор: vecer.mk
