„Можно е светот да слушне добри вести во следните неколку часа“, им рече Рубио на новинарите во Њу Делхи.
За време на неговата прва посета на Индија, тој посочи дека договорот, кој е во фаза на подготовка, ќе ги реши загриженостите на САД за Ормутскиот теснец, кој Иран ефикасно го блокираше од почетокот на војната на 28 февруари меѓу САД и Израел.
Трамп: Договорот беше сериозно преговаран
Договорот, исто така, би иницирал „процес што на крајот може да нè одведе до местото каде што претседателот сака да бидеме – свет кој повеќе не мора да се плаши или да се грижи за нуклеарното оружје на Иран“, додаде тој. Неговата изјава дојде откако американскиот претседател Доналд Трамп изјави дека предлогот, кој исто така вклучува и отворање на Ормутскиот теснец, веќе е „во голема мера преговаран“.
„Договорот е опширно преговаран и сега се очекува да биде финализиран меѓу Соединетите Американски Држави, Исламската Република Иран и разни други земји“, напиша Трамп на својата платформа Truth Social во саботата.
Извор: vecer.mk
