Овие колачи се приготвуваат за миг и уште побрзо се јадат!
Можете да ги направите и во посна варијанта.
Состојки:
100 мл млеко
100 г путер
100 г млечна чоколада
250–280 г мелен плазма-кекс
80 г шлаг
80 мл ладна вода (од фрижидер)
2 лажички крем
Приготвување:
Во тенџере ставете 100 мл млеко, 100 г путер и 100 г чоколада и загревајте додека чоколадата и путерот се стопат.
Тргнете го тенџерето од ринглата и постепено додајте 250–280 г мелен кекс. Измешајте добро.
Ставете ја смесата во намачкана тепсија или обложена со проѕирна фолија (21×15 см) и израмнете ја површината.
Врз филот ставете изматен шлаг со 2 лажички еурокрем. Наместо шлаг, можете да користите и топла чоколадна глазура.
Оставете го колачот во фрижидер да се стегне, па исечете го на правоаголни стапчиња.
Извор: kurir.mk
