Дали е безбедно да се јадат печурки за време на бременост?
Ова е едно од најчесто поставуваните прашања од страна на идните мајки, со оглед на зголемената претпазливост при изборот на храна во овој чувствителен период од животот.
Иако печурките можат да бидат богат извор на хранливи материи важни за здравјето на мајката и развојот на бебето, експертите предупредуваат дека клучот лежи во начинот на подготовка и безбедното потекло на печурките. Најважно е да се избегнува јадење сурови печурки.
Нивното готвење, како што се варење, печење или пржење, помага во уништувањето на потенцијално штетните бактерии и ги прави печурките побезбеден избор. Сушените печурки се исто така добра алтернатива и често се повкусни.
Печурките се богати со витамини и минерали кои можат да придонесат за здравјето и на бремената жена и на нејзиното бебе. Витамините од Б-комплексот, железото, цинкот, селенот и калиумот се особено важни. Овие хранливи материи играат важна улога во развојот на фетусот, јакнењето на имунитетот и одржувањето на енергијата за време на бременоста.
Печурките се исто така добар извор на растителни влакна, кои можат да помогнат во спречувањето на запек, честа тегоба во бременоста. Друга голема предност на печурките е присуството на витамин Д, кој помага во апсорпцијата на калциум и придонесува за развој на силни коски и заби кај бебето.
Сепак, количината на витамин Д може да варира во зависност од видот на печурките и начинот на кој се одгледуваат. Кога купувате печурки, важно е да изберете само оние од докажани извори, како што се пазари или локални производители.
Берењето печурки во природа без стручно знаење воопшто не се препорачува, бидејќи јадливите видови лесно можат да се помешаат со отровни, што може да биде опасно по живот. Печурките исто така содржат протеини, кои помагаат во развојот на мускулната маса на бебето и се одлична храна за разновидна и балансирана исхрана за време на бременоста.
Сепак, како и со сите видови храна, се препорачува умереност и правилна подготовка. Ако сте љубител на печурки, нема причина да ги избегнувате за време на бременоста, со правилна подготовка тие можат да бидат вкусен и здрав додаток на вашата дневна исхран
Извор: kurir.mk
