Сателитскиот интернет провајдер „Старлинк“ на милијардерот Илон Маск објави на својата веб-страница денеска дека има прекин на услугата.
-Моментално има прекин на услугата „Старлинк“. Нашиот тим истражува, се вели во соопштението на интернет провајдерот, без да даде дополнителни детали.
Веб-страницата за следење на интернет услуги „Даундектор“ соопшти дека повеќе од 43.000 корисници во Соединетите Американски Држави биле погодени.
„Старлинк“ на американската компанија „Спејс Икс“ обезбедува интернет услуги преку сателити во ниската Земјина орбита и се користи првенствено во оддалечени области и конфликтни зони низ целиот свет.
Извор: kurir.mk
