Пред посетата на САД, израелскиот претседател го повика Нетанјаху да постигне договор за прекин на огнот во Газа

ЕРУСАЛИМ / ИСТАНБУЛ (АА) – Израелскиот претседател Исак Херцог денес го повика премиерот Бенјамин Нетанјаху да постигне договор за прекин на огнот во Газа и размена на затвореници пред неговото патување во Вашингтон на разговори со американски претставници, јавува Анадолу

Херцог се сретна со Нетанјаху денес, неколку часа пред премиерот да замине за САД каде што треба да се сретне со претседателот Доналд Трамп.

„За време на мојот состанок со премиерот ја нагласив важноста на посетата како значаен чекор во унапредувањето на договорот за враќање на заложниците“, рече Херцог во соопштението издадено од неговиот Кабинет.

„Овој политички чекор би можел да послужи како можност за отворање хоризонти за значаен регионален развој“, рече тој, без да даде дополнителни детали.

Израелскиот претседател истакна дека со Нетанјаху разговарал и за „можноста за зајакнување на односите со други земји“.

Херцог изјави дека „не ја потценува можната цена и ја разбира загриженоста“ во врска со потенцијалното чинење на договорот со палестинската група Хамас, но е „уверен дека безбедносниот кабинетот и безбедносниот естаблишмент ќе знаат како да се справат со предизвиците“.

Според весникот „Једиот Ахронот“, Нетанјаху заминува за Вашингтон во 17 часот по локално време денес.

Хамас доцна во петокот соопшти дека доставил позитивен одговор до медијаторите во врска со неодамнешниот предлог за прекин на огнот во Газа и размена на затвореници.

Тел Авив проценува дека има 50 заложници, од кои 20 се држат како заложници во Газа. Над 10.400 Палестинци се држат во израелските затвори, подложени на тортура, гладување и медицинско занемарување, што резултираше со многу смртни случаи, според извештаите на палестинските и израелските организации за човекови права и медиуми.

И покрај меѓународните повици за прекин на огнот, Израел спроведува геноцидна војна во Газа, во која уби над 57.400 Палестинци, повеќето од нив жени и деца, од октомври 2023 година.

Меѓународниот кривичен суд во ноември издаде налози за апсење на Нетанјаху и неговиот поранешен министер за одбрана Јоав Галант за воени злосторства и злосторства против човештвото во Газа.

Израел се соочува и со случај за геноцид пред Меѓународниот суд на правдата за своите воени дејства во енклавата.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.