Лидерот на ВМРО-ДПМНЕ, Христијан Мицкоски денеска на прес конференција објави дел од кандидатите за градоначалници.
Меѓу нив, објавен е и кандидатот на партијата за градоначалник на Град Скопје.
- Орце Ѓорѓиевски – Град Скопје
- Бобан Стефковски – Гази Баба
- Сотир Лукровски – Карпош
- Бошко Цветкоски – Лозово
- Александар Китански – Пехчево
- Јован Тозиевски – Ресен
- Борче Коцев – Зрновци
Како што порача, одлуката за Ѓорѓиевски се темели на неколку клучни факти.
„Анкетите покажуваат дека тој води убедливо, дури и 5 повеќе од било кои од решенијата што се спомнуваат од СДСМ. Одлуката за него е тоа што тој како градоначалник на Кисела Вода со својата максимална посветеност, работливост и постојано на терен покажа и докажа дека умее и сака да работи за граѓаните. Јас можам да кажам дека е исклучително мотивиран најпрво да победи, а потоа и да победува секој ден за градот и скопјани“, порача Мицкоски.
Тој вели дека тоа е избор кој му е потребен на Град Скопје, односно тој е докажан работник и неговите дела низ општина Кисела Вода говорат за него.
ИЗВОР: ТВ 21
