Во галеријата на МАНУ, претседателот на Асоцијацијата на архитекти на Македонија, Валентино Константиновски, му ја врачи наградата за животно дело „Андреја Дамјанов“ на архитектот Стеван Смилевски. Оваа награда се доделува како признание за особени достигнувања и личен придонес во развојот на архитектурата и градителството.
Стеван Смилевски е роден во 1948 во Скопје. Дилпомирал на Архитектонско-градежниот факултет во Скопје, а потоа се вработил во „Пелагонијапроект“, каде што во наредните 15 години работел на проекти од кои добар дел се и реализирани.
Потоа продолжил да работи како проектант во фирмите „Атеље Ајвар“ и „УПА Ентерпрајз“, по што отворил сопствено биро, реализирајќи повеќе проекти за ентериери и индивидуални куќи. Во соработка со продукциската куќа „К-15“ ги реализирал нивните административна зграда и студио за продукција и постпродукција.
Од 1998 до пензионирањето работел во „Медиа маркет“, каде што реализирал неколку проекти, како ентериерот за учеството на Македонија на ЕКСПО во Лисабон во 1998 (со Коробар и Живковски), собраниската сала на Општина Чаир и индивидуални станбени објекти.
ИЗВОР: sdk.mk
