Миграциите се повеќе ги празнат малите места низ државава. Таков е примерот и со славно Крушево градот на македонската револуционерна борба кој од година во година има се помалку жители.
Младите масовно се иселуваат дуќаните се изретчија велат крушевчани – чаршијата е полупразна, а градот го држат претежно пензионерите.
Повозрасните жители раскажуваат дека градот е преполовен со население последниве 10ина 15 години. Младите од Крушево претежно заминуваат за Хрватска Словенија, а ги има и низ другите европски држави.
Низ крушевската чаршија, сеуште работат по некој златар,бербер и чевлар. Занаетчиските работилници денес се претворени во колонијали и сендвичари, а дел од дуќаните се и со катанци на вратите.
Градоначалникот Томе Христоски вели правиме се за да ги задржиме младите дома.Надеж најмногу има во туризмот кој бележи успех последниве години додава Христоски.
И туризмолозите сметаат дека Крушево со историјата архитектурата природата и споменот на нашата звезда Тоше Проески има огромен потенцијал да прерасне во голема туристичка атракција која сама по себе ќе отвори работни места но е потребна поголема промоција и финансиска помош од државата.
Извор: 24vesti.mk
