Палестинците во Газа ги ризикуваат животите за малку хуманитарна помош поради израелските напади

СКОПЈЕ (АА) – Израелските сили отворија оган врз цивилите што чекале хуманитарна помош во јужниот дел на Појасот Газа, јавува Анадолу.

Инцидентот се случи во областа Кан Јунис, каде што голем број граѓани се собрале пред хуманитарен пункт за да добијат вреќи брашно и други основни продукти, кои се дел од помошта што се распределува во енклавата погодена од воениот конфликт.

Во нападот се убиени најмалку петмина Палестинци, а повеќемина се повредени.

И покрај меѓународните повици за прекин на огнот, израелската армија спроведува геноцидна војна во Газа, во која се убиени повеќе од 57.100 Палестинци, повеќето од нив жени и деца, од октомври 2023 година.

Минатиот ноември Меѓународниот кривичен суд издаде налози за апсење на Нетанјаху и неговиот поранешен министер за одбрана Јоав Галант за воени злосторства и злосторства против човештвото во Газа.

Израел, исто така, се соочува со случај за геноцид пред Меѓународниот суд на правдата поради својата војна во енклавата.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.