Во Истанбул денеска се одржа третата средба од Дијалогот на високо ниво меѓу Турција и Европската Унија за безбедносни и миграциски прашања. Средбата ја водеа турскиот министер за внатрешни работи Али Јерликаја и европскиот комесар за внатрешни работи и миграција Магнус Брунер, јави „Туркије тудеј“.
Според соопштението на турското Министерство за внатрешни работи, биле разгледани тешкотиите што ги имаат турските граѓани при добивањето шенген визи, важноста на поддршката за Сирија, како и мерките за спречување на нелегалната миграција.
Јерликаја изјави дека Турција, под раководство на претседателот Реџеп Таип Ердоган, веќе не е земја цел или транзит за нелегална миграција. Тој посочи на растечката бројка на сириски државјани кои се враќаат дома по падот на режимот на Башар ал-Асад.
На состанокот биле истакнати и тековните заеднички напори на Турција и ЕУ за стабилизирање на регионот и борба против криумчарењето мигранти.
Извор: 24vesti.mk
