Манчестер јунајтед сериозно размислува за засилување на напаѓачката линија, а најновата цел е одличниот стрелец од редовите на Астон Вила, Оле Воткинс. Англискиот репрезентативец зад себе има извонредна сезона, во која настапи на 38 натпревари во Премиер лигата постигна 16 голови и додаде осум асистенции.
Според најреномираните англиски медиуми, „црвените ѓаволи“ веќе воспоставиле првични контакти со клубот од Бирмингем, но и со самиот фудбалер. Разговорите наводно почнале уште за време на преговорите околу иднината на Маркус Рашфорд кој по позајмицата се враќа во Манчестер.
Во исто време, на „Олд Трафорд“ веќе се подготвува теренот за разделба со младиот Расмус Хојлунд, што дополнително го отвора просторот за ангажман на Воткинс, кој важи за еден од најдобрите голгетери на Островот.
Доколку преговорите добијат конкретна форма, Воткинс би можел да стане клучен дел од реконструкцијата на напаѓачката линија на Јунајтед, кој со новото раководство има амбиција конечно да се врати на патеките на старата слава.
Извор: kurir.mk
