Пратеничката од ВМРО-ДПМНЕ Благица Ласовска во 24 анализа рече дека изјавите на родителите на загинатите деца во пожарот во дискотеката „Пулс“ во Кочани се оправдани.
Таа објасни и дека очекува правда и секој засегнат да одговара.
„Се надевам дека истрагата е професионално направена, дали ќе бидат задоволни сите ќе видиме и се надевам дека правдата ќе биде задоволена, на родителите им е најтешко. Ништо не може да ги врати животите. Имам во загинатите и луѓе кои ги познавам, ме вознемирува тоа и после 3 месеци. Имам и во Штип луѓе кои ги загубија животите и ги познавам. Се надевам дека ќе дојде правдата за сите кои постапиле или не постапиле за да се случи тоа што се случи. Ситемот не чини и системот сме сите ние но треба да придонесуваме да не се случи тоа. Се надевам дека правдата ќе дојде.
Гневот на родителите и изјавите и се што не случува не би коментирала, оправдано е. Ќе си дозволам да искоментирам само дека нивната мака и гнев за жал е злоупотребен политички од опозицијата, немајќи програма и кредибилитет да говорат за жал ја злоупотребуваат трагедијата за дневно политички препукувања со власта. Не се сеќавам во историјата на државата да имало толку многу обвинети и оставам на институциите да го решат ова и да нема одлагање и бавна правда за да биде маката поголема“, рече Ласовска.
Објасни и дека преку отворената телефонска линија ќе бидат контактирани сите родители и сите преживеани со цел да им се помогне.
„Преживеаните заслужуваат помош. Ние како влада треба да ги слуншеме и се надевам дека сите нивни барања без разлика од каков аспект треба да им излеземе во пресрет и да им помогнеме барем во тој дел да немаат проблеми во животот понатаму. Граѓаните треба да знаат дека СДСМ бараше закон за Кочани и на крај не го галсаше. Нема друг коментар освен Хипокризија. Денеска ја гледав прес-конференцијата на владата, важно е не само дека ќе помагаме, туку делата се битни, отворена е телефонската линија од таа линија контактирани се семејставта и сите нивни потреби од креми, мерки за компресивна облека, медицински тимови и екипи и веќе се работи на тоа. Владата донесе одлука Пониква да се даде како простор за рехабилитација. Не се условите катастрофални само во Кочани сегде се, тоа е предизвик за новиот министер за здравство. Тој треба да работи прво за Кочани, да работи на барањата на родителите, преживеаните и сите барања да се задоволени без приговор“, додаде Ласовска.
Извор: 24vesti.mk
