Ѕвездан Георгиевски директорот на Фондацијата „Славко Јаневски“ во Аргумент плус рече дека одговорноста за одржување на контиунитет на наградата е огромна. Според него, и покрај сите предизвици добро е што и по 26 години постоење опстојуваат.
„Ова е 26 награда роман на годината. Во Македонија тешко се создава традиција но лесно се руши. Беше напорно да се одржи, непрофитна е и сведена е на ентузијазам. Голема е наградата и беше голема за време на Утрински весник. Горд сум што го задржавме стандардот. Наградата остана важна и сите овие години сум инволвиран во наградата и знам дека и издавачите и писателите ја сакаат наградата. Досега немало сомнежи за маниупуалции и злоупотреби. Романите што се избрани за романи на годината се често преведувани и на други јазици. Сите романи се добро прифатени. Романот на Калина е најдобар роман оваа сезона. Жирито солидно си ја заврши работата“, рече Георгиевски .
Тој зборуваше и за изборот на роман на годината во 2025 година.
Романот ‘Светот што го избрав’ е роман за созревање и женскиот лик кој е главен е во зрели години. Кога ќе кажам роман за созревање луѓето мислат дека е тинејџерски но еден од квалитетите на овој роман е дека цело време растеме, созреваме или се губиме негде па се наоѓаме. Главната хериона ги препознава своите слаби точки, знае како се однесува, како и оди со пријателства со љубов и слично и тоа е тој свет што таа го избира“, додаде Георгиевски.
Извор: 24vesti.mk
