Со овие и слични пораки стартува кампањата „0 % корупција -ајде да е вистина“, за зголемување на свеста кај граѓаните, колку е важно да се пријавува и преземаат активни чекори во борбата против оваа негативна појава која што ја има насекаде околу нас.
Директорот на Бирото за јавна безбедност, Александар Јанев, потенцира дека институциите даваат силна поддршка на кампањата, кој додаде дека граѓаните не ја пријавуваат бидејќи немаат доверба во институциите, а тие пак кои ја пријавуваат најчесто сакаат да останат анонимни.
Мојца Кузмички експерт за антикорупција и перење пари од промоцијата на кампањата порача дека главен фокус на проектот е да се зголеми довербата на луѓето кон институциите, но и охрабрат да пријавуваат корупција.
Кампањата „0 отсто корупција ајде да е вистина“ е дел од проектот „Поддршка на ЕУ за владеење на правото“, што се спроведува во соработка со Министерството за внатрешни работи. Афирмацијата на иницијативата ќе се спроведува преку промо видеа со помош на социјалните медиуми, медиумски платформи и со поддршка од влијателни јавни личности, како би дошла до поголема маса на луѓе.
Извор: 24vesti.mk
