Игуменот Георгиј избран за нов митрополит на Дебарско-кичевската епархија

June 12, 2025
1 min read

Игуменот Георгиј (Ѓорѓевски) на денешната седница на Светиот Архијерејски Синод на Македонската Православна Црква – Охридска Архиепископија беше едногласно избран за нов митрополит Дебарско-кичевски.

Како што стои во објавата на црковниот портал „Литургија.мк“, денот на ракополагањето во епископски чин на игуменот Георгиј ќе биде дополнително објавен.

Дебарско-кичевската епархија остана без прв човек откако минатата година во ноември по кусо боледување на 73 години почина тогашниот митрополитот дебарско-кичевски, господин Тимотеј. Георгиј беше единствен кандидат за оваа висока црковна позиција, кој на празникот Педесетница доби ново унапредување во монашки чин – игумен на церемонијата одржана во соборниот храм „Свети Климент Охридски“. Произведувањето го изврши архиепископот охридски и македонски г.г. Стефан.

Поранешниот декан на Богословскиот факултет, Ѓоко Ѓорѓевски, се замонаши на 27 мај годинава, на 28 мај беше произведен за јероѓакон, а на 29 мај беше избран за јеромонах.

Митрополитот Георгиј е роден во Скопје во 1968 година. Завршил богословски студии во Скопје, а магистрирал и докторирал во Рим, на Папскиот универзитет „Грегоријана“. Има богато академско и црковно искуство, вклучувајќи и дипломатска служба како амбасадор на Македонија при Светата Столица. Автор е на неколку книги и научни трудови, а активно учествува во преведувачки и издавачки проекти на Светото писмо. 

Извор: 24vesti.mk

MARKETING

MARKETING

Претходно

По скандалот со Левандовски: Селекторот на Полска си поднесе оставка!

Следно

Индиски патнички авион се урна врз хостел за лекари

Latest from Blog

МВР: Апелираме за фер и спортско навивање, било какви навреди ќе бидат најстрого санкционирани

Министерството за внатрешни работи апелира до сите граѓани и членови на навивачки групи да ги бодрат своите спортски миленици, но да навиваат спортски, исклучиво во спортски дух, без говор на омраза, без

ВИДЕО: Српски министер доживеа мозочен удар во емисија во живо, итно опериран и во тешка состојба

Српскиот министер Дарко Глишиќ, доживеа тежок мозочен удар утрово за време на гостувањето во утринската програма на ТВ Пинк, по што беше префрлен во Ургентниот центар. Тој бил опериран и интубиран. Министерот

При тепачка во судскиот оддел во психијатриската болница во Скопје со стаклено шише убиен еден осуденик

Од ударите со стаклено шише починал 62-годишен неготинец кој бил дел од тепачка во судскиот оддел на Психијатарската болница во Бардовци. Го убил друг затвореник, информираше Министерството за внатрешни работи. Починатиот бил

Белгија ја поддржува суспензијата на Израел од европската програма за истражување „Хоризонт Европа“

ИСТАНБУЛ (АА) – Белгија ќе гласа во корист на предлогот на Европската комисија за делумна суспензија на учеството на Израел во програмата за истражување и иновации „Хоризонт Европа“, објави денес белгискиот премиер
Go toTop