Турскотo МНР упати остра реакција кон Израел за нападот врз бродот „Мадлин“

АНКАРА (АА) – Министерството за надворешни работи на Турција објави дека нападот врз бродот „Мадлин“, кој тргна да достави хуманитарна помош во Газа, уште еднаш докажал дека Израел е „терористичка држава“, известува Анадолу.

Во писменото соопштение на турското МНР се вели:

„Интервенцијата на израелските сили врз бродот „Мадлин“ додека пловеше во меѓународни води, а тргна да достави хуманитарна помош во Газа, во кој се наоѓаа и наши државјани, е јасно кршење на меѓународното право“.

„Овој гнасен напад од страна на Владата на (израелскиот премиер Бенјамин) Нетанјаху, кој ја загрозува слободата на пловидбата и поморската безбедност, уште еднаш докажа дека Израел е терористичка држава“, се вели во соопштението, нагласувајќи дека ќе продолжи оправданата реакција на меѓународната заедница на геноцидните политики на Израел, кој го користи гладот ​​како оружје во Газа, спречувајќи го доставувањето хуманитарна помош.

Во соопштението се истакнува дека агресивниот и беззаконски став на Израел нема да ги замолчи гласовите што ги бранат човечките вредности.

– Интервенција врз бродот „Мадлин“

Како дел од најновата мисија организирана од невладината организација „Коалиција на флотилата на слободата“ за пробивање на блокадата во Газа и доставување помош во регионот, 18-метарскиот брод „Мадлин“ на 1 јуни тргна кон Газа од пристаништето „Сан Џовани Ли Кути“ во Катанија, Италија.

Коалицијата на флотилата на слободата во објава на својот профил на платформата Телеграм објавена во доцните вечерни часови, наведе дека израелската Армија интервенирала врз бродот „Мадлин“, информирајќи:

„Контактот со ‘Мадлин’ е прекинат. Израелската Армија се качи на бродот. Волонтерите на бродот „Мадлин“ се киднапирани од израелската Армија.“

На бродот се наоѓаа 12 активисти, францускиот пратеник во Европскиот парламент (ЕП) Рима Хасан, германската државјанка Јасемин Аџар, Хусеин Шуајб Орду од Турција, Тијаго Авила од Бразил, Серхио Торибио од Шпанија, Марко ван Рен од Холандија, Баптист Андре, Рева Вијард, Паскал Мауриерас и Јанис Мхамди од Франција, шведската активистка за клима Грета Тунберг и новинарот Омар Фајад.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.