По повод 75 години од прилепскиот народен театар „Војдан Чернодрински“ синоќа во фоајето од Центарот за култура „Марко Цепенков” во Прилеп беше отворена изложбата на театарски фотографии, насовена „75 за 75“.
Презентирани се 75 фотографии од театарски претстави од 1950 до 2024 година. Направен е избор на фотографии од претстави кои оставиле белег во театарот “Војдан Чернодрински” и биле наградени и најгледани.
Отворајќи ја изложбата, професор д-р Ана Стојаноска рече дека театарот е уметност на мигот која треба да биде зачувана со фотографии.
-Изложбата „75 за 75“ е исклучително важен момент и за историјата на прилепскиот театар, но и за историјата на македонскиот театар. Авторката на проектот м- р Каролина Мицевска направила внимателно сведоштво за феноменот театар во Прилеп. Театарот е уметност на мигот и затоа треба да остане зачувана во вакви изложби на фотографии, рече Стојаноска.
Изложбата, авторски проект на м-р Каролина Мицевска, вработена во Центарот за култура „Марко Цепенков“.
Прилепскиот народен театар „Војдан Чернодрински“ почна со работа 1950 година со првата претстава „Кир Јања“.
Изложбата, е поддржана од Министерството за култура и туризам.
Извор: 24vesti.mk
