Вицепремиерот Изет Меџити и натаму вели дека постојат разговори со пратеници од Европскиот фронт за зајакнување на парламентарното мнозинство. Иако претходно се тврдеше дека разговорите се водат со претседателот на Алијанса за Албанците на Села, партиски извори велат дека нема ништо од тие разговори и дека тие остануваат во Европскиот фронт. Неофицијално извесно време се преговара со претседателот на ДПА Мендух Тачи да премине во мнозинството, но Меџити не сакаше да потврди.
Меџити: Има најави, се работи, значи се зголемува мнозинството.
-А со кого разговарате?
Меџити: Ќе видете известени, во принцип со пратеници од Европскиот фронт.
-Дали имате разговори со Тачи за преминување?
Меџити: Не исклучувам никој.
По заминувањето на Таравари од власта се наруши и Бадентеровото мнозинство кое сега зависи од ДУИ, а поради ова клучни закони чекаат на усвојување. Сепак Меџити вели дека не е проблем Бадентерот, но и покрај ваквото тврдење сепак тој го повика ДУИ да го поддржат Законот за Инспекторатот на јазиците а дека во иднина тој ќе премине во Агенцијата за јазиците.
„Ги повикувам ДУИ и опозицијата да го изгласа овој закон да го решиме проблемот со вработените да добиваат плати а во наредна фаза ќе работиме во насока Агенцијата за јазиците премине на исто ниво како Агенцијата за храна за да може после да го преземе Инспекторатот за јазиците“, вели Меџити.
Поради потребата од Бадентеровото мнозинство останува неизгласан Законот за инспекторатот на јазиците бидејќи ДУИ не сака да даде поддршка. Поради ова вработените во Инспекторатот веќе 5 месеци немаат земено плата.
ИЗВОР: ТВ 21
