Експертот по право на ЕУ, Леа Огњаноска во Аргумент плус рече дека тешко е да се постави теза „вин-вин“ меѓу Бугарија и Македонија бидејќи по бурната дискусија очекувано било да се одложи расправата. Според неа, ставот на Бугарија е став изгласан во бугарскиот парламент.
„Би било тешло да се постави теза „вин-вин“ дали е некој победник или не, би рекла дека колку била бурна дискусијата толку биле бурни и ноќите и беше очекувано да се одложи расправата бидејќи се влезе во насока во која немаше одлука. За нас е добро бидејќи се влезе во фокусот и создаде вжештена атмосфера во ЕУ. Ние понекогаш знаеме да коментираме дека ЕУ не ги разбира овие билатерални прашања па така кога ќе се префли некој проблем кај ЕУ може да се зајакне позицијата. Бугарија настапува од позиција на земја членка и има агресивна позиција“, рече Огњаноска.
Таа зборуваше и за тоа дека политичката состојба во Бугарија се карактеризира со нестабилност.
„Политичката состојбата во Бугарија се карактеризира со нестабилност на неколку влади но од друга страна овој став е став изгласан во бугарскиот парламент и тоа дава сила на бугарската политика и во таа насока се презентираат и во ЕУ“, додаде Огњаноска.
Извор: 24vesti.mk
