Во 2024 година, 19,5 милиони деца во Европската Унија биле изложени на ризик од сиромаштија или социјална исклученост. Оваа бројка претставува 24,2 проценти од децата под 18 години, што е намалување за 0,6 процентни поени од 2023 година (24,8%), објави Евростат.
На ниво на земја, во 2024 година, највисоки вредности се пријавени во Бугарија (35,1%), Шпанија (34,6%) и Романија (33,8%). Спротивно на тоа, Словенија (11,8%), Кипар (14,8%) и Чешка (15,4%) се на дното на листата.
Во споредба со 2023 година, во Романија се регистрира најголемо намалување на уделот на деца изложени на ризик од сиромаштија или социјална исклученост во 2024 година, -5,2 п.п., по што следуваат Ирска (-3,7 п.п.) и Унгарија (-3,3 п.п.). Од друга страна, Финска (+3,5 п.п.), Хрватска (+2,0 п.п.), Бугарија и Белгија (и двете +1,2 п.п.) забележаа најголемо зголемување.
Извор: 24vesti.mk
