Пратеникот од ВМРО-ДПМНЕ Тони Јаревски во 24 анализа рече дека договорот со Британија е историска можност за трансформација на Македонија.
Според него, проектите нема да се насочени само за изградба на железници и патишта туку и за болници.
„Не станува збор само за кредит туку станува збор за историска можност за трансформација на Македонија. Говориме за серија на проекти кои ќе направат трансформација на државата и поквалитетно секојдневие. Од она што беше кажано е дека 6 милијарди се договорени и обезбедени согласно договорот со британската влада. За тие средства што ќе бидат искористени ќе биде гарант британската влада. Од тие 6 милијарди не значи дека сите ќе ги искроистиме, учиме од претходните грешки. Македонија исплаќа камати за повлечени но неискористени средства и тука нема да биде случај тоа, затоа што откако ќе имаме комплетен проект со сите фази на ревизии и контороли, согласно тој проект ќе излеземе во однос на договорот и притоа условите нема да бидат здраво за готово и ќе бидат разгледани повеќе понуди. И тие проекти ќе бидат споредени со сите законски решенија за да имаме поволна камата. Имаме 5 години грејс период. Пресметката на каматите ќе биде по завршувањето на проектот. Нивото на транспарентност за разлика од сите договори претходно овде е на поголемо ниво. Не зборуваме само за изградба на патиштата и железниците, ќе има и изградба на болници“, рече Јаревски.
Извор: 24vesti.mk
