Татко на израелски заробеник го обвини Нетанјаху дека ги напушта заложниците за политички опстанок

April 20, 2025
1 min read

ЕРУСАЛИМ/АНКАРА (АА) – Таткото на израелскиот војник, кој се држи во Газа, денес го обвини премиерот Бенјамин Нетанјаху дека ги напуштил заложниците во корист на продолжување на војната за неговите политички интереси, пренесува Анадолу.

„Ги слушавме зборовите на Нетанјаху од Плоштадот на заложниците [во Тел Авив] и сме длабоко разочарани“, изјави за дневниот весник „Маарив“ Хагаи Ангрест, татко на војникот Матан.

„Во светот, сите велат дека прекинот на огнот и враќањето на заложниците треба да бидат главен приоритет. Сепак, гледаме премиер кој ги напушта војниците и испраќа повеќе во борба“.

„Ни беше кажано дека оваа војна нема да заврши без нив. Но сега се чини дека Нетанјаху го избира својот политички опстанок наместо животите на оние кои се во заробеништво“, рече тој. „Целата земја го поддржува враќањето на заложниците“.

Синоќа Нетанјаху во телевизиско обраќање тврдеше дека „нема избор“ освен да се продолжи војната во Газа, тврдејќи дека договорот за прекин на огнот со Хамас „ќе ги поткопа придобивките од војната“.

Тој рече дека Хамас го отфрлил предлогот кој вклучувал ослободување на половина од живите израелски заробеници и многумина од мртвите, во замена за завршување на војната, услов што Нетанјаху го означи како „неприфатлив“.

Лидерот на Хамас во Газа, Калил Ал-Хаја, во четвртокот објави подготвеност на групата веднаш да започне „сеопфатни пакет-преговори“ со Тел Авив за ослободување на сите заложници во замена за договорен број палестински затвореници, прекин на војната, целосно израелско повлекување од Газа, почеток на обнова и укинување на блокадата.

Портпаролот на израелскиот премиер вчера рече дека враќањето на сите израелски заробеници во рамките на еден договор е „невозможно“.

Израел смета дека 24 од 59 преостанати заложници во Газа се живи. Во исто време, над 9.500 Палестинци се наоѓаат во израелските затвори, со голем број извештаи за нивна тортура, глад и медицинско занемарување што доведува до смрт на затворениците, според палестински и израелски организации за човекови права.

Над 51.200 Палестинци се убиени во Газа во бруталната израелска офанзива од октомври 2023 година, повеќето од нив жени и деца.

Меѓународниот кривичен суд во ноември минатата година издаде налози за апсење на Нетанјаху и неговиот поранешен министер за одбрана Јоав Галант за воени злосторства и злосторства против човештвото во Газа.

Израел се соочува и со случај за геноцид пред Меѓународниот суд на правдата за неговите постапки во енклавата.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.

Извор: Anadolu Agency (AA)

MARKETING

MARKETING

Претходно

Следната недела ВРЕДИ станува една политичка партија – Меџити: Не е важно кој ќе биде претседател

Следно

Хамилтон: Знам дека фановите на Ферари не се задоволни од мене

Latest from Blog

Соња Михајлова – лауреатка на наградата за животно дело на МТФ „Војдан Чернодрински“

По предлог на НУ Народен театар – Битола и директорот Васко Мавровски, доајенката на македонската театарска сцена, актерката Соња Михајлова, е годинешна добитничка на престижната награда за животно дело, која традиционално ја

ПОЧИНА ХРВАТСКИОТ МУЗИЧАР МАТИЈА ДЕДИЌ

Матија Дедиќ, еден од најзначајните современи хрватски музичари, почина на 52 години. Потекнуваше од славно музичко семејство: тој беше единствениот син на кантавторот Арсен Дедиќ и пејачката Габи Новак. Иако изложен на

Успешна евакуација на повредено лице од Шар Планина со хеликоптер на Армијата

Во координирана спасувачка акција со Центарот за управување со кризи (ЦУК), Армијата на Република Северна Македонија вчера попладне изврши итна медицинска евакуација со хеликоптер на тешко повредено лице од непристапен терен во

ФОТО: Во критична состојба лицето кое беше спасено на Ливадичко езеро, од скршениците имало обилно крварење

Денес 08.06.2025 година, во попладневните часови, по добиено барање од Центарот за управување со кризи (ЦУК), Армијата на Република Северна Македонија, поради сериозноста на повредите и непристапниот терен, изврши итна медицинска евакуација
Go toTop