Викендов во Премиер лигата се играше градското дерби помеѓу Манчестер јунајтед и Манчестер сити кое не понуди премногу добар фудбал, но поради случувањата надвор од теренот и денеска е тема на Островот.
Пеп Гвардиола јавно ги критикуваше навивачите на „црвените ѓаволи“ кои во текот на дербито ја навредуваа мајката на Фил Фоден, но по натпреварот се случил и инцидент.
Имено, Џек Грилиш имал близок контакт со навивач кој седел во првите редови во близина на тунелот од каде што фудбалерите го напуштале теренот.
Навивачот му удрил шлаканица на Грилиш во моментите кога тој одел кон соблкувалната, а случајот бил забележан и од полицијата во Манчестер.
Навивачот бил приведен и обвинет за физички напад и сега ќе мора да одговара пред судот.
Извор: kurir.mk
