ВАН (АА) – Сноубордерот Шахабетин Ѓун, зафатен од лавина додека скијал на планината Артос во подрачјето на Геваш во турски Ван, успеа да се извлече од снежниот нанос, јавува Анадолу.
Група скијачи вчера се искачија на планината Артос висока 3.550 метри, со голема снежна покривка.
Сноубордерите, кои стигнале на врвот по макотрпно искачување кое траело околу 4 часа, по направена пауза почнале да се спуштаат со сноуборди од падините со висок наклон.
Ѓун, кој беше зафатен од лавината близу врвот на падините, успеа самостојно да се извлече, откако извесно време беше носен од снежниот нанос.
Пријателите на Ѓун, кои во последен миг ја избегнаа лавината, мораа да се спуштат од друга рута.
Ѓун за Анадолу изјави дека забележал дека снежните маси се кршат додека се спуштал од стрмната падина на планината Артос.
Моментите на лавината и спасувањето на сноубордерот се снимени со дрон од екипата на АА.
Раскажувајќи дека одеднаш бил фатен среде лавина, Ѓун рече:
„Во последен момент се префрлив на десната страна. И покрај тоа, не можев да избегам од лавината. Ме носеше околу 60 метри. Благодарение на тоа што не ме фати паника, успеав да се извлечам самостојно“, изјави тој за АА.
Извор: Anadolu Agency (AA)
