АНКАРА (АА) – Турскиот претседател Реџеп Таип Ердоган денес изјави дека не е одреден датумот за неговата посета на Соединетите Американски Држави (САД), јавува Анадолу.
Говорејќи за медиумите во Истанбул, тој рече дека сè уште не е одредено точното време кога турската страна ќе отпатува во работна посета на САД.
„Но, во меѓувреме, и мојот министер за надворешни работи (Хакан Фидан) и министерот за трговија (Омер Болат) имаат состаноци или планови за патувања поврзани со САД“, додаде тој.
„Овие посети можно е да вклучат разговори за неодамна започнатата тема за даночните регулативи“, истакна турскиот претседател, изразувајќи надеж „дека ќе се види позитивниот пристап што го разгледуваат кон Туркије, да се претвори во конкретни чекори“.
На 16 март, Ердоган и Трамп реализираа телефонски разговор, а турскиот претседател изрази целосна увереност дека Анкара и Вашингтон ќе ја унапредат билатералната соработка во новата ера на односите преку солидарност, пристап ориентиран кон резултати и искреност.
Извор: Anadolu Agency (AA)
