Претседателката на Институтот на сметководители и овластени сметководители на Македонија, Весна Прентоска во Аргумент плус рече дека Институтот нема одземено ниту една лиценца на сметководителите.
Според неа, тоа е дисциплинска мерка за времено бришење од регистар поради неисполнување на одредени часови за професионално усовршување предвидени со Закон. Таа објасни и дека бројот на сметководители кои не можат да работат во моментов е помала од 4000.
„Институтот нема одземено ниту една лиценца. Бројката дека 4000 сметководители се без работа не е точна. Институтот согласно законските надлежности е должен да ги води регистрите на сметководители и овластени сметководители и правни лица кои обавуваат сметководствени работи. Заклучно со 15 јануари Институтот брои околу 9000 членови и изречени се окоу 2000 дисциплинкси мерки од кои околу 1000 се за неисполнета едуакција. Дисциплинските мерки се за времено бришење од регистар каде што е објаснето дека ако членот не ги исполни часовите следи дисциплинска мерка времено бришење што значи Институтот нема одзмено лиценца. Дополнително бројките кои реално ги образложив од тие 1000 имаат времено одземање, 400 немаме податоци каде работат имама реална бројка од 700 челнови кои не оствариле часови. Тоа се часови за континуирано професионално усовршување“, рече Прентоска.
Таа зборуваше и за стопанските субјекти кои ќе останат без завршни сметки и рече дека не се виновни и треба да им се излезе во пресрет.
„Стопанските субјекти воопшто не се криви што неодговорноста на сметководителите довела да не може да поднесат завршна сметка и треба да им се излезе во пресрет и поради тоа ние во предлозите кои ги доставивме до предлагачите на измените на Законот кажавме дека стопанските субјекти не се криви и треба да им се излезе во пресрет заради неоговорноста и непрофесионалното однесување на сметководителите за да не си ја исполнат законската обврска“, додаде Прентоска.
Извор: 24vesti.mk
