ДЗР: Студентските домови со години немале инспекција за да проверат во какви услови живеат студентите

February 25, 2025
2 mins read

Шест години Државниот просветен инспекторат не извршил инспекција на студентските домови во земјава, иако имаат обврска тоа да го прават еднаш годишно. Извештајот на државната ревизија во инспекторатот за 2023 година покажа низа пропусти во работењето.

Инспекторатот немал доволно контрола како и колку студенти се примаат и какво сместување им се нуди. Тоа придонело државата да нема вистинска слика какви се условите за сместување на студентите, стои во извештајот на Државниот завод за ревизија.

– Со ревизијата утврдено е дека последниот инспекциски надзор бил извршен во 2019 година, по што не се извршени нови контроли, ниту се изготвени записници за извршени надзори. Недостигот на редовни и вонредни контроли во процесот на прием, евидентирање и сместување на студентите, како и на точноста на податоците во документацијата на студентските домови, го оневозможува нивното правилно функционирање и исполнување на целта за обезбедување соодветни услови за студентите. Исто така, ревизијата утврдила дека инспекциски надзор не бил извршен ниту во 2024 година, што укажува на непостапување според препораките на овластениот државен ревизор.

Недоволни инспекции имало и во воспитно-образовните установи што придонело до намалена ефикасност во нивното оценување, се вели во извештајот на Државниот завод за ревизија. Во 2023-тата биле извршени само половина од планираните надзори, но извештајот открива и дека Просветниот инспекторат се соочува со голем недостиг на кадар од дури една третина од потребните вработени. Најдраматично е во општините Охрид, Гостивар, Кавадарци и Ресен, каде што понзионираните вработени не биле заменети со нови. Сепак, и оние кои биле вработгени, не добиле доволна обука.

Дел од нововработените инспектори не ја завршиле неопходната обука, што носи ризик за грешки и слабости во работењето. Заедно со недостигот на техничко-административен кадар, овие проблеми ја нарушуваат ефикасноста на инспекцискиот надзор и ја отежнуваат неговата целосна примена.

„ДПИ располага со 138 систематизирани работни места, 100 се пополнети, што значи дека една третина од потребниот кадар не е пополнета. Најизразен недостаток има во Секторот за инспекциски надзор и оценување на квалитетот, каде што недостасуваат просветни инспектори, што ја отежнува реализацијата на основната дејност, а посебно за подрачјето на општините Охрид, Гостивар, Кавадарци и Ресен, поради пензионирање на просветните инспектори. Исто така, дел од нововработените инспектори не ја завршиле неопходната обука, што носи ризик за грешки и слабости во работењето. Заедно со недостигот на техничко-административен кадар, овие проблеми ја нарушуваат ефикасноста на инспекцискиот надзор и ја отежнуваат неговата целосна примена“, се вели во извештајот на ДЗР.

И покрај законските обврски, дел од основните и средните училишта не биле опфатени со интегралната евалуација секоја трета учебна година, а како причина за ова се наведени пандемијата со Ковид-19, но и недостатокот на кадар предизвикан од постојаниот одлив на просветни инспектори поради пензионирање или други причини.

„Ваквата состојба влијае на организацијата и реализацијата на наставата, условите во воспитно-образовните установи, како и на исполнувањето и вреднувањето на работните задачи на наставниците и стручните соработници“, се вели во извештајот.

ДЗР открил и неправилности во однос на користењето на средствата за службените и сопствените возила за службени цели.

„Имено, најголем дел од патните трошоци се исплатени за дестинации на кои постои организиран автобуски превоз, бројни патни налози не се уредно пополнети, не се архивирани, недостасуваат податоци за изминати километри, а истите не се одобрени од непосредните претпоставени и не се изготвуваат писмени налози за користење службените возила“, велат од Државниот завод за ревизија.

Со ревизијата се истакнува и оти Државниот просветен инспекторат се соочува и со несоодветни услови за работа, недостаток на современа софтверска и ИТ опрема.

Извор: 24vesti.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Фенербахче застана во одбрана на Мурињо

Следно

САД најде начин да ја „протне“ својата резолуција за Украина

Latest from Blog

Коњановски: Младинско катче и кариерен центар за учениците во битолското економско училиште

Учениците во СОЕУ „Јане Сандански“ во Битола добија младинско катче и кариерен центар. Просторот го уредиле самите ученици со поддршка од нивниот професор и координатор Целе Јолевски, а на свеченото отворање присуствуваше

Николоски: Ниските даноци и пристапот до европскиот пазар се предност за јапонските компании

Македонија нуди најдобри и најконкуретни услови за инвестирање во целиот регион. Имаме континуиран раст на БДП, раст на индустријата и единаесет квартали раст во градежништвото. Исто така, даночната политика е најповолна бидејќи

Не дозволувајте да изгубите пари при откупот: СЕКЕ со важни совети за правилно пакување на тутунот

Со почетокот на сезоната за откуп на тутунот, компанијата СЕКЕ упати важни препораки до тутунопроизводителите за правилно пакување и чување на произведениот тутун, со цел да се зачува неговиот квалитет и да

Проданоски: Буџетот за 2027 година го креираме со предлозите на прилепчани

Општина Прилеп ги заврши средбите со сите урбани заедници во градот во рамките на консултациите за подготовка на Буџетот за 2027 година. Градоначалникот Дејан Проданоски најави дека процесот продолжува со средби со

Николоски: Од 1 јануари само Државната лотарија ќе може да организира онлајн игри на среќа

Владата го измени Законот за игри на среќа, со кој јасно се ограничува организирањето на игри на среќа. Само Државната Лотарија ќе може да организира игри на среќа, дополнително се воведе ограничување
Go toTop