ИСТАНБУЛ/АНКАРА (АА) – Турскиот претседател Реџеп Таип Ердоган денес изјави дека Туркије ќе продолжи да соработува со Германија за регионалните прашања, вклучително Сирија, Газа и војната во Украина, известува Анадолу.
„Желба на сите нас е траен мир и просперитет во Сирија, каде што новата администрација во декември ја презеде одговорноста по падот на режимот на Башар-ал Асад, рече Ердоган на заедничката прес-конференција со неговиот германски колега Франк-Валтер Штајнмаер во главниот град Анкара.
Турскиот претседател рече дека прекинот на огнот во Газа, кое започна на 19 јануари и додаде дека одржувањето на прекинот на огнот во Газа бара колективна одговорност, а меѓународната заедница мора да истрае во напорите за решение за две држави во израелско-палестинскиот конфликт.
Осврнувајќи се на исламофобијата во Европа, претседателот Ердоган рече:
„Забележуваме дека акциите и дискурсите за ксенофобија, расизам и исламофобија се зголемуваат во Европа. Ова го загрижува и турското општество“
Во своето обраќање германскиот претседател Штајнмаер рече дека Германија има заеднички интерес со Туркије за воспоставување траен мир во регионот, потенцирајќи дека Анкара е многу важен актер во овој процес.
Коментирајќи ги широко осудените предлози на американскиот претседател Доналд Трамп за протерување на Палестинците од Газа во земји како Јордан и Египет, Штајнмаер рече дека предлозите на Трамп за протерување на Палестинците предизвикуваат голема загриженост и се неприфатливи според меѓународното право.
Извор: Anadolu Agency (AA)
