ВАШИНГТОН (АА) – Турски дипломатски извор изјави дека од Самитот на лидерите на НАТО во Вашингтон, 10 точки се важни за Туркије, јавува Анадолу.
По Самитот планиран да се одржи во Холандија во 2025 година, лидерите ќе се соберат во Туркије за следниот состанок.
На Самитот во Вашингтон беше речено дека тероризмот е втората најголема закана со која се соочува НАТО по Русија, која „останува најзначајна и најдиректна закана за безбедноста на сојузниците“.
Понатаму, на овогодинешниот Самит беше потврдена одлуката донесена на минатогодишниот Самит во Вилнус, Литванија, дека сојузниците не треба да воведуваат санкции едни на други.
Истакнувајќи ја растечката закана од балистичките ракети, Самитот, исто така, ја потврди посветеноста за целосна заштита на сите сојузници на НАТО, што е значајна точка за Туркије.
– Односите НАТО – ЕУ
Клучна тема за Туркије беше одлуката дека соработката НАТО – ЕУ треба да се заснова на постар збир од договори, усогласени со претпочитаната политика на Туркије.
Беше одлучено дека водечките проекти развиени од некои земји членки на полето на поддршката за Украина, киберодбраната, спротивставување на дезинформациите, како и на полето на технологијата, без оглед дали се спроведуваат меѓу себе или надвор од рамките на НАТО, треба да се спроведуваат според процесот на планирање на одбраната на НАТО, поддржувајќи го ставот на Туркије за НАТО како единствен безбедносен чадор.
На Самитот, исто така, е истакнато дека двоењето на Туркије за одбраната се зголеми на 2 отсто од нејзиниот БДП, а НАТО го истакна тоа со благодарност.
Во овој контекст, Туркије го повтори планот за поддршка за зајакнување на капацитетот на одбранбената индустрија на НАТО прифатен на Самитот во Вилнус, и презеде нова обврска за поддршка.
– Конвенцијата од Монтре –
Во контекст на руско-украинскиот конфликт, спроведувањето на Конвенцијата од Монтре од страна на Туркије заедно со Црноморската иницијатива за жито и напорите за посредување меѓу страните привлекоа значително глобално внимание.
Декларацијата на Самитот во Вашингтон директно упатува на Конвенцијата од Монтре и е одлучено НАТО да ги признае и нефинансиските придонеси за Украина.
Самитот, исто така, одлучи да обезбеди поддршка за обука на Украина и да подготви долгорочен пакет за безбедносна помош.
Дополнително, договорено е да се формира заеднички центар за анализа, обука и едукација меѓу НАТО и Украина за координирање на поддршката на сојузниците за Украина.
Извор: Anadolu Agency (AA)
