Жан Митрев со честитка за Божиќ: Им простувам на ИРЛ, ќе ја повлечам тужбата против нив

January 8, 2023
1 min read

„Целта не ми е да се тужам со медиумите, туку да ја докажам правдината. Но, за се што сториле Бог нека им суди. Јас им простувам и тужбата ќе ја повлечам“, напиша Жан Митрев во божиќната честитка на Фејсбук

Денес е ден кога им простуваме на сите кои ни направиле лошо, затоа им простувам на ИРЛ кои ми нанесоа голема неправда и ќе ја повлечам тужбата против нив. Но, за се што сториле Бог нека им суди.

Ова се зборовите на доктор Жан Митрев кој синоќа на својот фејсбук-профил објави божиќна честитка во која, меѓу другото, најави дека ќе ја повлече тужбата против Истражувачката репортерска лабораторија (ИРЛ).

„Денес е денот кога на сите им посакуваме само добро. Денес е ден кога им простуваме на сите кои ни направиле лошо. Минатата година ИРЛ ми нанесоа многу неправда со организирана пропаганда и ширење невистини преку јавни медиуми. За тоа поднесов и тужба против нив. Целта не ми е да се тужам со медиумите, туку да ја докажам правдината. Но, за се што сториле Бог нека им суди. Јас им простувам и тужбата ќе ја повлечам“,

пишува Митрев во честитката за Божиќ.

Во честитката тој додава дека Божиќ е денот кога се родила надежта оти доброто ќе го надвладее злото и денот кога сето лошо што се случило треба да се заборави.

Жан Митрев поднесе тужба до Истражувачката репортерска лабораторија (ИРЛ) откако медиумот ја објави сторијата „Нечиста крв“ во која беа приложени изјави од сведоци, документи, ставови од институции па и од самиот Жан Митрев – дека приватната болница дебело наплаќала за т.н. хемофилтрација при лечење на болни од ковид-19, а таа метода била клиничко испитување и не била пријавена пред надлежната Агенција за лекови (МАЛМЕД).

Според Митрев, наводите на ИРЛ биле „лажни и исценирани“, а со нив се фрлило сомнеж на работата на клиниката. и кажа дека ќе дојде време кога ќе покаже од каде доаѓа овој „оркестриран напад“.

ИЗВОР: 360stepeni.mk

MARKETING

MARKETING

Претходно

КФОР го одби барањето на Белград за враќање на српските безбедносни сили во Косово

Следно

Вучиќ: КФОР го одби нашето барање за враќање на српските сили во Косово

Latest from Blog

Арабел Рустемовски освои бронзен медал на Европското јуниорско првенство

Арабел Рустемовски освои бронзен медал на Европското јуниорско првенство во Нови Пазар, Србија. Арабел загуби од Владимир Мшецјан од Ерменија 1-4, односно 1-2 во рунди. Ова е голем успех за Арабел, Македонија

Авионска дезинсекција против комарци во среда во Скопје

Градот Скопје ги известува граѓаните дека на 16.07.2025 година (среда), во раните утрински часови ќе се реализира авионска дезинсекција на подрачјето на градот Скопје, против  ларви од комарци. Доколку временските услови не

Мицкоски конечно призна дека државата доцни со поврат на ДДВ: Срамно е граѓаните и фирмите да му се јавуваат нему

Социјалдемократскиот сојуз смета дека срамно е премиерот Христијан Мицкоски да ги повикува фирмите да му се јавуваат за повратот на ДДВ. „Денес премиерот Христијан Мицкоски конечно призна дека државата со месеци доцни
Go toTop