САД објавија фотографии од остатоците од кинескиот балон

February 8, 2023
1 min read

Американските власти соопштија дека балонот бил висок околу 60 метри, а долниот дел по големина е споредлив со помалите патнички авиони и тежел повеќе од илјада килограми

Американската морнарица објави фотографии од кинескиот балон за надзор кој беше соборен во саботата откако неколку дена леташе над територијата на САД. Американски експерти детално ќе ги испитаат остатоците за да утврдат дали се работи за шпионски балон или за цивилен балон, како што тврдат кинеските власти.

Командата на американската морнарица на својот Фејсбук профил објави неколку фотографии на кои се гледа како големи парчиња од балонот се вовлекуваат во чамец.

Фото: Фејсбук/U.S. Fleet Forces

Првите остатоци од кинескиот балон беа пронајдени еден ден откако беше соборен од американски воен авион над Атлантскиот Океан во саботата во близина на Миртл Бич, Јужна Каролина.

Според морнарицата, остатоците од балонот се расфрлани на површина од единаесет километри во обем.

Фото: Фејсбук/U.S. Fleet Forces

Американските власти соопштија дека балонот бил висок околу 60 метри, а долниот дел по големина е споредлив со помалите патнички авиони и тежел повеќе од илјада килограми.

Според Би-би-си, експертите велат дека со проучување на остатоците од балонот, САД би можеле да добијат вреден увид во кинеската технологија и техниките за воздушно надгледување, што ќе им овозможи подобро да разберат за какви операции бил способен балонот и како пренесувал информации.

Фото: Фејсбук/U.S. Fleet Forces

Пекинг сè уште тврди дека се работи за цивилен балон за метеоролошки истражувања кој случајно навлегол во воздушниот простор на САД.

Од друга страна, САД тврдат дека балонот бил шпионски, поради што државниот секретар Ентони Блинкен ја откажал претходно планираната посета на Кина.

Блинкен ја нарече акцијата на Кина неодговорна и неприфатлива, а кинеското Министерство за надворешни работи во понеделникот предупреди дека соборувањето на балонот сериозно ќе ги оштети односите меѓу двете земји.

Извор: 360stepeni.mk

MARKETING

MARKETING

Претходно

Приведен крадец од Скопје баран со централна потерница

Следно

Свечено пуштена во употреба нова пешачко-велосипедска патека во Петровец

Latest from Blog

Ристо Вртев: Денес е профитабилно да се „тамбура“ на национални жици

Овој пат во „Имаме неколку прашања за вас“ го имаме Ристо Вртев, основач на музичката група Архaнгел, нејзин фронтмен, композитор, текстописец и вокалист. Бидејќи ретко дава интервјуа за Рацин.мк ова беше прилика

Пожарите не стивнуваат: Два активни, четири под контрола, 22 изгаснати низ Македонија

Македонија повторно се соочува со огнени жаришта, но според последните податоци од Центарот за управување со кризи (ЦУК), состојбата е стабилизирана. До утрово во 7 часот биле евидентирани вкупно 28 пожари на

Најдобриот стрелец во Евролигата ќе игра за Виртус Болоња,

Најдобриот стрелец во Евролигата за минатата сезона, Карсен Едвардс, го напушта Баерн Минхен и ќе ја продолжи кариерата во тимот на Виртус Болоња  изјави порталот „Баскетњуз“. Американскиот кошаркар бележеше 20,4 поени и
Go toTop