Народниот правобранител Насер Зибери вели дека во МВР недостасуваат обрасци за патни исправи, а граѓаните се жалат дека не можат навреме да ги добијат патните исправи. Зибери во интервју за Радио Слободна Европа вели дека до канцеларијата на Народниот правобранител пристигнуваат претставки од граѓаните за неможноста да се определи рок за вадење лични документи и за проблемот со дополнителни трошоци за нови документи. Поради уставните измени за новото име на државата, патните исправи повеќе нема да важат по 12 февруари.
„Овие претставки почнаа да пристигнуваат по нова година и ќе се обратиме до МВР зошто доцнеше да се издаваат веќе подготвените, претпоставувам дека тие патни исправи се изготвени и ќе реагираме. Во одредени неформални разговори добив информација дека има недостиг од формулари. Можам со сигурност да кажам дека недостасуваат обрасците за двојазичните патни исправи, но мислам дека недостигаат и обрасците за останатите документи“, рече Насер Зибери, народен правобранител.
Извор: alsat.mk
