Ја разбираме нервозата на Пановски, но не можеме да премолчиме дека оваа реакција е одраз на стравот од вистината. Зад бомбастичните изјави и заканите со тужби се крие „путерот на глава“ од огромните профити кои се прават на лековите за болните – профити кои се прават на грбот на македонските граѓани кои плаќаат скапи лекарства додека се борат за живот, реагираат од ВМРО-ДПМНЕ.
-Дополнително, жално е што Венко Филипче, како поранешен министер, се одлучи да го брани Пановски во име на СДС, место да ја брани вистината и транспарентноста. Неговиот обид да ги замолчи сомнежите само ги потврдува прашањата кои јавноста веќе ги поставува: Колкави се вистинските екстра заработки на фармацевтската мафија? Кој профитира на страдањата на болните?
Пановски и Филипче можат да се обидуваат со тужби да ја замолчат вистината, но не можат да го избришат срамот кој го оставија зад себе. „Мафија на смртта“ не е само политички термин – тоа е реалност која ги уништува животите на македонските семејства веќе три децении.
Уште еднаш го повикуваме Фондот за здравствено осигурување да ја објави целосната вистина за екстра профитите на оваа „мафија на смртта“. Ја повикуваме јавната обвинителка, и целокупниот правосуден систем, да преземат итни и решителни мерки за да се стави крај на оваа долгогодишна неправда.
Македонија заслужува здравствен систем кој работи за граѓаните, а не за лични интереси на поединци и групи кои профитираат од страдањето на болните, стои во партиската реакција.
ИЗВОР: kurir.mk
