Зеленски вели дека контраофанзивата оди побавно од посакуваното, Путин повторно најави распоредување ракети „Сармат“

June 21, 2023
2 mins read

Цитиран од  британскиот национален сервис, Зеленски вели дека воената акција не е лесна бидејќи руските сили минирале 200 000 квадратни километри украинска територија

Претседателот на Русија, Владимир Путин, денеска изјави дека новата генерација руски интерконтинентални балистички ракети „Сармат“, кои можат да носат 10 или повеќе нуклеарни боеви глави, наскоро ќе бидат распоредени на, како што рече, „борбено дежурство“. Ова е вторпат годинава Путин да најавува распоредување на овој тип ракети

Украинскиот претседател Володимир Зеленски вели дека напредокот на бојното поле во рамките на контраофанзивата на Киев против руските сили е побавна од посакуваното.

„Некои веруваат дека ова е холивудски филм и сега очекуваат резултати. Не е така“,

вели Зеленски во интервју за Би-би-си.

Украинскиот претседател, Владимир Путин/Фото: Архива

Украина претходно објави дека во последните две недели повторно освоила осум села на југот на земјата. Иако мал, напредокот на украинските сили е најголем од ноември досега бидејќи единиците на Киев се пробиваат низ силно утврдени и минирани области под руска контрола.

Цитиран од  британскиот национален сервис, Зеленски вели дека воената акција не е лесна бидејќи руските сили минирале 200 000 квадратни километри украинска територија.

„Што и да посакуваат некои, вклучително и обиди за притисок врз нас, со должна почит, ние ќе напредуваме на бојното поле како што мислиме дека е најдобро“,

вели украинскиот претседател за Би-би-си.

На 10 јуни Зеленски потврди дека украинската контраофанзива против руските сили е започната.

Русија претходно имаше неколку месеци да ја подготви одбраната. Украинските војници допрва треба да стигнат до најтешките одбранбени утврдувања на Русија, кои се далеку од линијата на фронтот долга 1 000 километри.

Портпаролот на генералштабот на вооружените сили на Украина, Андриј Ковалев, утрово соопшти дека украинските сили освојуваат делови од територијата кон Мелитопол и Бердјанск во областа Запорожје.

Тој оцени дека напорите на украинската војска имале делумен успех во правец кон Новоданиливка – Роботине, Мала Токмачка – Вербове, Вилне Поле – Макаривка и се консолидираат на освоените линии.

Тој додал дека Украина се бори да го спречи напредувањето на руските трупи на исток, со „особено тешки борби“ кои се водат покрај Лиман во регионот на Донецк.

Во меѓувреме, денеска претседателот на Русија, Владимир Путин, изјави дека новата генерација руски интерконтинентални балистички ракети „Сармат“, кои можат да носат 10 или повеќе нуклеарни боеви глави, наскоро ќе бидат распоредени на, како што рече, „борбено дежурство“.

Рускиот претседател, Владимир Путин/Фото: Архива

Ова е вторпат годинава Путин да најавува распоредување на ракети од типот „Сармат“.

Првично такво нешто тој најави во февруари, но експертите за западните медиуми тогаш оценија дека шансите за распоредување на ракетите се мали бидејќи оружјето сè уште не било тестирано.

Во обраќање до новата генерација дипломци на воената академија, Путин ја нагласил важноста на руската „тријада“ на нуклеарниот воен потенцијал што може да биде лансирана од копно, море или воздух, пренесува Ројтерс.

„Најважната задача овде е развојот на нуклеарната тријада, која е клучна гаранција за руската воена безбедност и глобалната стабилност…Веќе околу половина од единиците и формациите на стратешките ракетни сили се опремени со најновите системи ‘Јарс’, а трупите повторно се опремуваат со модерни ракетни системи со хиперсонична боева глава ‘Авангард’“,

рекол Путин.

Извор: 360stepeni.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Палестинска тинејџерка почина од повредите од израелски оган во Џенин, бројот на загинати се искачи на седум

Следно

Скопска врска во продажбата на „Жан Митрев“

Latest from Blog

Проданоски: Граѓани и волонтери се обединија во акција за позелен Прилеп

Околу 500 садници беа засадени во близина на манастирот „Св. Димитриј“ кај прилепското село Селце, во акција организирана од Здружението „Сина револуција“, со поддршка од компанијата „Бехтел ЕНКА“. Во акцијата, организирана по

И ЗДРАВЈЕ И РАБОТА: Македонија не смее да остане надвор од европските и светските процеси за развој на современо и одговорно рударство

Активирањето на домашните минерални потенцијали е можност за нови инвестиции, работни места, развој на домашните компании и технолошка модернизација на македонското рударство Светот влегува во нова фаза на развој на рударскиот сектор.

Скопје во центарот на регионалната енергетска соработка – прв форум посветен на зелената транзиција и жените во енергетиката

На 25 ноември 2026 година, Скопје ќе биде во центарот на регионалниот дијалог за иднината на енергетиката. Во хотелот „Александар Палас“ ќе се одржи Првиот форум за енергетска дипломатија „Обновливи извори и

Струјата во Македонија речиси 60 отсто поевтина од европскиот просек: Еве колку плаќаат граѓаните во ЕУ

Македонија има една од најниските цени на електричната енергија за домаќинствата во Европа, покажуваат најновите податоци за првата половина од 2026 година. Според анализата објавена од „Еуроњуз“, електричната енергија во Македонија е

Николоски: До крајот на мај автопатот Кичево – Охрид ќе биде целосно пуштен во употреба

Изградбата на автопатот Охрид-Кичево се одвива со одлична динамика. Силно сме посветени заедно со изведувачот и надзорот и согласно зададениот рок ќе го завршиме целосно, изјави заменик претседателот на Владата и министер
Go toTop