Украинскиот претседател Володимир Зеленски денеска изјави дека ракети за западните системи за воздушна одбрана ќе бидат дел од првичните испораки на американско оружје што ќе го платат земјите од НАТО во рамките на механизмот PURL, или „Приоритетна листа на барања за Украина“, (Prioritized Ukraine Requirements List), објави Укринформ.
-Добивме повеќе од две милијарди долари од нашите партнери, поточно за PURL. Ќе добиеме дополнителни средства за октомври, мислам дека ќе добиеме уште 3,5-3,6 милијарди долари, рече Зеленски на заедничката прес-конференција со претседателката на Европскиот парламент, Роберта Мецола.
„Првите два пакета во вредност од 500 милиони долари… Овие пакети… дефинитивно ќе вклучуваат ракети „Патриот“ и „ХИМАРС“, рече тој.
PURL е иницијатива преку која земјите што сакаат ќе можат да купат одбранбено оружје од САД во согласност со тоа што најмногу ѝ е потребно на украинската војска, а потоа да ѝ го обезбедат. Кон оваа иницијатива веќе се приклучија 11 земји.
Според последните информации, за новата иницијатива веќе се собрани шест милијарди долари, а Зеленски изјави дека Украина вложува напори да го зголеми финансирањето на механизмот.
Извор: kurir.mk
