Од 1.260 избрани и именувани функционери, 1.060 се опфатени со предложените законски измени да нема покачување на нивните плати, но измените не опфаќаат 200 директори кои ги именува Владата, а не Собранието. Изборниот закон може да биде пречка за интеревнцијата во платите. Вицепремиерот за економски прашања Фатмир Битиќи рече дека ќе се консултираат со ДИК и со Антикорупциската комисија пред да ја достават одлуката на владина седница.
„Мојата порака до сите директори е тоа да го сторат согласно нивните надлежности преку управните одбори, доколку Владата не е во можност да донесе одлука поради член 8 од Изборниот законик, сами тие да одлучат. Станува збор за сите оние директори кои ги именува Владата, надвор од регулаторните агенции што ги именува Собранието“, рече Битиќи.
Министерот за труд и социјална политика од редовите на ВМРО ДПМНЕ, Ѓоко Велковски, вели дека ова решение не е долгорочно, но се прави за да се намали граѓанскиот револт.
Иницијативата за законски измени со кои се регулираат платите на државните функционери, односно се ограничува нивното покачување, до Собранието ја поднесоа група пратеници на СДСМ, бидејќи немаа поддршка од владиниот партнер ДУИ во Владата
Аднан Ќаили
Извор: alsat.mk
