Камења, парчиња бетон и накривен ѕид.
Веќе една година е откако е урнат овој дел од потпорниот ѕид кај Клиничкиот центар „Мајка Тереза“, а досега не е преземено ништо за негова поправка.
Тука секојдневно минуваат граѓани, пеш или со автомобили.
Град Скопје и Општина Центар не преземаат ништо, бидејќи велат дека не е во нивна надлежност.
„Попрецизно улицата Белградска е улица во надлежност и сопственост на општина Центар, а потпорниот ѕид кој е изграден со функција ограда на Клиничкиот центар е надлежност на Министерството за здравство, односно негова изградба/реконструкција може согласно законските и подзаконски акти да прави единствено Министерството или негов орган овластен за истото“, велат од Град Скопје.
Од Министерството за здравство велат дека нарачале проект за потпорниот ѕид.
„Ќе се изгради нов потпорен ѕид, повлечен за 1.5 метри кон Клиничкиот центар, со цел проширување на улицата Белградска. Според заклучоците на Владата, Министерството за здравство е задолжено за изградбата на ѕидот, додека останатите надлежни институции треба да го решат инфраструктурниот и сообраќајниот дел од улицата“, вели МЗ.
Од Министерството известија дека денеска е веќе започната постапката за отстранување на габаритот од урнатиот ѕид кој стои таму веќе две години!
ИЗВОР: ТВ 21
