Од 11 до 31 јануари 2023 година во стационарот „Лајка“ се направени вкупно 85 стерилизации и кастрации, информира денеска Јавното претпријатие „Лајка“ – Скопје.
Од „Лајка“ потсетуваат дека со појавата на првиот случај на distemper во нивното прифатилиште на крајот на минатата година биле воведени и спроведени повеќе превентивни мерки.
– Прифатилиштето беше 30 дена под целосен карантин и фокусот беше на третман на заболените кучиња со што ситуацијата во моментот е под контрола. По истекот на карантинскиот период, продолживме со редовните работни активности, вклучително спроведувањето на ветеринарни интервенции, односно стерилизација и кастрација, се вели во соопштението.
Удел во успешното справување со овој проблем, како што наведуваат, имаат и граѓаните кои во огромен број се одзваа на нашиот повик лично да донесат бездомно куче на хуман третман во прифатилиштето и за тоа сме им неизмерно благодарни.
– Отворениот повик за кој било граѓанин да донесе бездомно куче на третман сè уште е во тек и ќе биде се дури има ваков огромен интерес. Ги повикуваме сите граѓани да го донесат својот маалски миленик на третман со цел уште многу успешни месеци во решавање на проблемот со бездомната популација на кучиња, стои во соопштението од ЈП „Лајка“.
ИЗВОР: skopjeinfo.mk
