Тој рече дека излезноста на национално ниво е околу 43 отсто и нешто помалку од 40 отсто на ниво на Белград
Српскиот претседател Александар Вучиќ вечерва и се обрати на јавноста од седиштето на Српската напредна странка, по повод повторувањето на изборите на одредени избирачки места.
Вучиќ рече дека според нивните податоци, изборниот список „Александар Вучиќ – Србија не смее да запре“ на повторените избори освоил 69,5 отсто од гласовите на 35 избирачки места, списокот „Србија против насилството“ 12 отсто, а коалицијата околу Социјалистичка партија на Србија „Ивица Дачиќ – премиер на Србија“ 5,84 проценти од гласовите.
Тој рече дека излезноста на национално ниво е околу 43 отсто и нешто помалку од 40 отсто на ниво на Белград.
„Тоа значи дека, ако има релативно пристојна излезност на 2 јануари и ако овој тренд продолжи, реално е да се очекуваат 130 мандати, а не 129 мандати“,
рече Вучиќ.
Според него, Владата на Србија ќе биде формирана до крајот на февруари или почетокот на март следната година.
Како што рече, на повторените избори во Белград, листата „Србија не смее да запре“ освоила 64,49 отсто, „Србија против насилството“ 17,7 отсто, „Ние глас на народот“ 7,50 отсто, Милош Јовановиќ и СПС околу три отсто.
„Не сме одлучиле кој ќе биде премиер, за тоа ќе разговараме за време на празниците“,
рече Вучиќ.
Според него, Владимир Орлиќ одлично ја завршил работата како претседател на српскиот парламент, но не е сигурен дека ќе остане на таа функција.
Претседателот на Републичката изборна комисија, Владан Димитријевиќ изјави дека во Србија денеска во најдобар ред поминале повторените избори во 35 пратенички места.
Извор: 360stepeni.mk
