Вучиќ и Курти се сретнаа во Брисел, ја усвоија Декларацијата за исчезнатите

May 2, 2023
2 mins read

По усвојувањето на Декларацијата за исчезнати лица, ќе следи презентација и расправа за првиот нацрт на Статутот на Заедницата на српските општини на Косово (УСО). На средбата се и шефот на европската дипломатија, Жозеп Борел и Мирослав Лајчак, специјалниот претставник на ЕУ за дијалог меѓу Србија и Косово

Претседателот на Србија Александар Вучиќ и косовскиот премиер Албин Курти се сретнаа во Брисел како дел од новата рунда преговори под покровителство на Европската Унија. Средбата започнала околу 18:20 часот и веднаш била усвоена Декларацијата за исчезнати лица, јавува Н1 Србија.

Во фокусот на денешната средба меѓу Вучиќ и Курти е имплементацијата на Договорот за пат за нормализирање на односите меѓу Србија и Косово, за кој постигнаа договор на 18 март во Охрид.

По усвојувањето на Декларацијата за исчезнати лица, ќе следи презентација и расправа за првиот нацрт на Статутот на Заедницата на српските општини на Косово (ЗСО). На средбата се и шефот на европската дипломатија, Жозеп Борел и Мирослав Лајчак, специјалниот претставник на ЕУ за дијалог меѓу Србија и Косово.

Борел рече дека двете страни го препознаваат прашањето на исчезнатите лица како хуманитарно и ја препознале итната потреба од дополнителни заеднички напори за ублажување на последиците за погодените семејства и пошироката заедница. Во соопштението за медиумите се додава дека Вучиќ и Курти ја признале важната работа која ја завршила Работната група за исчезнати лица.

Пред средбата со Курти, Вучиќ се огласи на Инстаграм со видео од авионот.

„Ќе биде тешко. Против нас се сите големи сили од Западот. Сепак, на нашата страна се правото и правдата. Уште повеќе и поважно од тоа, тие не разбираат колку е силна љубовта кон слободата и колку силно и цврсто може да ја чувате и покрај сите притисоци. Да живее Србија“,

најави Вучиќ.

Вучиќ го обвини Курти дека неколку дена води брутална и валкана кампања против Србија. Наведе дека кон неа се приклучиле и некои политичари и аналитичари.

„Тие ѝ се закануваат на Србија, не потсетуваат на некои стари времиња, зборуваат за нивната борба за слобода, заборавајќи дека Србите се бореле за слобода не само против терористите, туку и против агресорите на НАТО. Пролеаната крв не се враќа. Слободата не може да се врати и не смее да се заборави… Тоа ќе го имам предвид вечерва“,

рече претседателот на Србија.

Специјалниот претставник на ЕУ за дијалогот меѓу Белград и Приштина, Мирослав Лајчак, пред средбата изјави дека статутот на Заедницата на српските општини (ЗСО) мора да биде прифатлив за двете страни и во согласност со европските стандарди.

„Менаџерскиот тим ќе го претстави нацртот. Не знаеме што има во него, но тоа треба да биде почеток на процесот. На крајот треба да имаме статут што е прифатлив за двете страни, и Косово и Србија, во согласност со европските стандарди. Тоа е првиот важен чекор“,

рече Лајчак.

Извор: 360stepeni.mk

MARKETING

MARKETING

Претходно

Масовна тепачка на Водно за Први мај

Следно

Вучиќ по средбата во Брисел: Денеска првпат удривме во ѕид, Приштина не сака да ја исполни обврската за формирање на ЗСО

Latest from Blog

Донесена одлука за 30-дневна кризна состојба во Македонија

Донесена е одлука за 30-дневна кризна состојба на територија на Македонија поради зголемената појава на пожари. Портпаролката на Владата, Марија Митева на прес конференција истакна дека одлуката е донесена врз основа на

Тешко повреден пожарникар вчера во Бразда

Пожарникар на Територијалната противпожарна бригада на Град Скопје се здоби со тешки телесни повреди откако вчера околу 10:10 часот паднал од четирицикл во шумскиот предел „Жејковац“, кај селото Бразда. Според полицијата, 48-годишниот

Предлог-извештајот на Вајц за Македонија пред пратениците во ЕП – шансите да остане македонскиот јазик се многу мали

Дел од европратениците нема да гласаат за бришење на македонскиот јазик и идентитет од извештајот на Европскиот Парламент, порача премиерот Мицкоски. На само неколку часа пред документот за напредокот на земјата, да

ПРВИ РЕЗУЛТАТИ ОД ИСТРАГАТА: Ова е најверојатната причина за сообраќајката во која загинаа Жота и Силва

Првите резултати од истрагата за сообраќајната несреќа во која напаѓачот на Ливерпул, Диого Жота, и неговиот брат Андре Силва ги загубија животите минатата недела во Шпанија укажуваат на „голема брзина“ со која

Сирија бара помош од ЕУ за справување со пожарите во Латакија

ДАМАСК (АА) – Дамаск побара поддршка од Европската Унија за помош во контролирањето на шумските пожари што беснеат во руралниот дел на Латакија во северозападна Сирија, изјави денес сирискиот министер за вонредни
Go toTop