ГАЗА (АА) – Бригадите Ал-Касам на Хамас објавија дека погодиле израелски хеликоптер со проектил во источно-централниот дел на Газа, пренесува Анадолу.
„Бригадите Ал-Касам на Хамас нишанеа израелски хеликоптер со ракета САМ-7 источно од кампот Ал-Буреиџ во централниот дел на Појасот Газа, а нашите борци потврдуваат дека го погодиле“, се вели во соопштението.
Сѐ уште нема официјална изјава од страна на Израел за овие тврдења.
Веќе 20-ти ден по ред, израелската војска го продолжува своето немилосрдно воздушно бомбардирање на Газа додека палестинските фракции во Појасот Газа продолжуваат со ракетните напади врз израелските населени места.
Се очекува израелска копнена операција во Газа, но поради нејзиното одложување, не се знае кога може да започне.
