Извршниот директор и косопственик на Формула 1 тимот Мерцедес не планира да ја напушти функцијата уште долго време. Тој е во Мерцедес од 2013 година.
– Животот е полн со изненадувања. Никогаш не би помислил дека воопшто ќе завршам овде, дека нашиот тим ќе постигне таков успех. Сега имам 52 години. Звучи како да сум веќе доста стар, но се надевам дека ќе поминам уште 30 години во Мерцедес. Колку е важно кога ќе ја предавате штафетата 80 години, да можете да кажете: „Да, тоа беше одлично. Задоволен сум од себе – ги исполнив моите очекувања во животот“, рече Волф.
Австриецот има важечки договор со Мерцедес до крајот на 2026 година. Под негово водство германскиот тим освои осум титули во конкуренција на конструктори.
Новата сезона во Формула 1 стартува на 2 март со трката за Големата награда на Бахреин.
Извор: kurir.mk
